Agni Suktam – agni sūktam
a̲gnimī́lē pu̲rōhítaṁ ya̲jñasyá dē̲vamr̥̲tvijám |
hōtā́raṁ ratna̲dhātámam || 1
a̲gniḥ pūrvḗbhi̲rr̥ṣíbhi̲rīḍyō̲ nūtánairu̲ta |
sa dē̲vā|ṇ ēha vákṣati || 2
a̲gninā́ ra̲yimáśnava̲tpōṣámē̲va di̲vēdívē |
ya̲śasáṁ vī̲raváttamam || 3
agnē̲ yaṁ ya̲jñamádhva̲raṁ vi̲śvatáḥ pari̲bhūrasí |
sa iddē̲vēṣú gacchati || 4
a̲gnirhōtā́ ka̲vikrátuḥ sa̲tyaści̲traśrávastamaḥ |
dē̲vō dē̲vēbhi̲rā gámat || 5
yada̲ṅga dā̲śuṣē̲ tvamagnḗ bha̲draṁ kári̲ṣyasí |
tavēttatsa̲tyamáṅgiraḥ || 6
upá tvāgnē di̲vēdívē̲ dōṣā́vastardhi̲yā va̲yam |
namō̲ bharánta̲ ēmási || 7
rājántamadhva̲rāṇā́ṁ gō̲pāmr̥̲tasya̲ dīdívim |
vardhámāna̲ṁ svē damḗ || 8
sa náḥ pi̲tēvá sū̲navē:’gnḗ sūpāya̲nō bháva |
sacásvā naḥ sva̲stayḗ || 9||
Agni suktam
Also see Durga suktam, Sri Suktam, Krimi Samhara Suktam.
Om Shanti Shanti Shanti hi
Comments
Post a Comment